ដោយ៖ សែម វណ្ណា
ភ្នំពេញ៖ លោក អ៊ិន ច័ន្ទធារ៉ា ស្ថាបនិកហាងនំខ្មែរ នាឡិ មានគោលដៅលក់ Franchise ទៅបរទេសនាថ្ងៃអនាគតបន្ទាប់ពីហាងនំខ្មែរដំបូងគេនៅប្រទេសកម្ពុជានេះទទួលបានការគាំទ្រពីអតិថិជនជាតិ និងជនបរទេស។
លោក អ៊ិន ច័ន្ទធារ៉ា បាននិយាយថា “ខ្ញុំមានគោលដៅនាពេលអនាគតដើម្បីលក់Franchise ទៅបរទេស ព្រោះយើងមានរូបមន្តធ្វើតាមស្ដង់ដាត្រឹមត្រូវ និងមានអនាម័យខ្ពស់ ហើយធានានូវគុណភាពជាចំបងដល់អតិថិជន” ។
ដើម្បីឲ្យនិមិត្តសញ្ញារបស់យើងមានគុណភាពល្អ និងអាចលក់ Franchise បាន គឺទាមទារឲ្យយើងមានគោលការណ៍ច្បាស់លាស់ និងធានានូវគុណភាពខ្ពស់ថែមទៀត ទើបយើងអាចលក់Franchise បាន។
“ខ្ញុំលើកទឹកចិត្តឲ្យយុវជនវ័យក្មេងដែលមានបំណងរកស៊ីគួរតែបង្កើតនិមិត្តសញ្ញាជាខ្មែរមួយ ប៉ុន្តែយើងនឹងជួបនូវបញ្ហាច្រើន។ យើងត្រូវសម្លឹងមើលអំពីសក្តានុពលរបស់យើងជាមុនសិន ថាតើវាមានឪកាសក្នុងការចាប់យកទីផ្សារបែបFranchise ដែរឬទេ ហើយតើយើងមានគោលនយោបាយអ្វីខ្លះដើម្បីជំរុញឲ្យផលិតផលរបស់
យើងដើរតួរជា Franchise បាន” នេះបើតាមសម្ដីរបស់លោក ច័ន្ទធារ៉ា។
សូមបញ្ជាក់ថា ហាងនំខ្មែរ នាឡិ មានលក់នំខ្មែរចំនួន ១៥ មុខ និងគ្រោងបន្ថែមឲ្យបានគ្រប់ ៣៤មុខ ហើយហាងនំខ្មែរ នាឡិ មានសាខាចំនួន ១ កន្លែងនៅស្ថានីយប្រេងឥន្ធនះ PTT ផ្លូវម៉ៃដា និងគ្រោងនឹងបើកសាខាបន្ថែមចំនួន ២ ទៀតនៅតាមស្ថានីយប្រេងឥន្ធនះ PTT៕
Comments
Post a Comment