ចាស់ៗដែលជាអ្នកប្រកបរបរលក់ផ្កានៅខាងមុខព្រះបរមរាជ្យវាំងកាលពីថ្ងៃទី
១២ ខែ កញ្ញា ឆ្នាំ ២០១៦។ រូបថតដោយៈ សែម វណ្ណា
ភ្នំពេញ: ប្រជាពលរដ្ឋកម្ពុជាមួយចំនួនដែលជាអ្នកប្រកបរបរលក់ដូរនៅមុខព្រះបរមរាជ្យវាំងភាគច្រើនជាក្មេងនិងជាមនុស្សចាស់ក្រីក្រជាច្រើននាក់។
ចំណែកក្មេងៗទាំងអស់នោះភាគច្រើនជាក្មេងកំព្រានិងជាក្មេងដែលមានជីភាពក្រីក្រ។
ប្រាក់ចំណូលដែលពួកគេរកបានច្រើននោះគឺនៅថ្ងៃចុងសប្ដាហ៏
ប៉ុន្តែសម្រាប់ថ្ងៃច័ន្ទដល់សុក្រវិញគេពុំសូវលក់ដាច់នោះទេ។ គួបញ្ជាក់ផងដែរថា
ប្រាក់ចំណូលដែលបានច្រើនបំផុតនោះភាគច្រើនទទួលបានត្រឹមតែ៤ម៉ឺនរៀលតែប៉ុណ្ណោះ។
“ ថ្ងៃសីលមានមនុស្សមកច្រើនគ្រាន់បើដែរហើយបានចំណូល៣ម៉ឺន។ តែបើថ្ងៃធម្មតាវិញបានត្រឹមតែ១ម៉ឺនរៀលតែប៉ុណ្ណោះ” នេះបើតាមសម្ដីរបស់លោកយាយដែលជាអ្នកលោកនៅទីនោះ។
លោកយាយបានបន្តទៀតថា “សម្រាប់ថ្ងៃធម្មតាលក់ផ្កាអស់ត្រឹមតែ១៥ដុំទេ
ហើយចំណេញបានត្រឹមតែ៣ពាន់រៀលទៅ ៥ពាន់រៀលតែប៉ុណ្ណោះ”។
ចំណែកប្អូនប្រុសម្នាក់ឈ្មោះ
ចន មានអាយុ១១ឆ្នាំដែលជាក្មេងលក់គ្រាប់សណ្ដែកបាយ
និងគ្រាប់ពោតនៅមុខព្រះបរមរាជ្យវាំងបានឲ្យដឹងថា “ថ្ងៃនេះខ្ញុំលក់មិនដាច់ឡើយតាំងពីព្រឹកមក ហើយប៉ារបស់ខ្ញុំលក់បាន២ ពាន់រៀល គាត់យកទៅផឹកកាហ្វេបាត់”។
ប្អូនប្រុស
ចន មិនបានចូលរៀនឡើយដោយសារតែបញ្ហាជីភាពគ្រួសាររបស់ ហើយប្ងូនប្រុសចន លក់ចំណីសត្វនៅមុខវាំងតាំងពីក្មេងមក៕
Comments
Post a Comment