ការតាំងពិពរណ៏សៀវភៅលើកទី៥ ធ្វើឡើងនៅបណ្ណាល័យជាត

អត្ថបទដោយ សែម វណ្ណា

ភ្នំពេញ: ការ​តាំង​ពិ​ពរណ៏​សៀវ​ភៅ​លើក​ទី​៥​ត្រូវ​បាន​ធ្វើ​ឡើង​នៅ​ក្នុង​ប​រិវេន្ត​បណ្ណាល័យជាតិក្រោមប្រធានបទ បង្កើនការអាន បង្កើនការសរសេរ( Instill reading Inspire Writing ) ក្រោមវត្តមានរបស់ឯកឧត្តម ខៀវ កាញ្ញារិទ្ធិ រដ្ឋមន្ត្រីក្រសួងព័ត៏មាន ព្រមទាំងអ្នកតំណាងអង្គការ ស្ថាប័នជាច្រើនទៀត។

នៅឆ្នាំ២០១៥ ការតាំងពិពរណ៏នេះទទួលបានទឹកប្រាក់ឧបត្ថមចំនួន​១២០០០ដុល្លារ និងមានអ្នកចូលរួមចំនួន១២០០០នាក់ ព្រមទាំងមានតង់សៀវភៅចំនួន៥០ស្តង់ផងដែរ។ ចំណែកឯពិពរណ៏លើកទី៥នេះ គ្រោងនិងចំណាយទឹកប្រាក់ចំនួន១៧០០០ដុល្លារ និងមានអ្នកចូលរូមប្រហែលជា១៥០០០នាក់ ដែលមាន៦៥ស្តង់បានចូលរួម។

“នៅសកលលោក គេអាចព្យាបាលជម្ងឺតាមរយះការអានសៀវភៅដោយកំណត់យកចំនួនសៀវភៅទៅតាមប្រភេទជម្ងឺឲ្យអ្នកមានជម្ងឺអានបាន ហើយនេះជាពាក្យថ្មី វិធីថ្មីនៅសតវត្តទី២១​ ប៉ុន្តែផ្ទុយពីកម្ពុជា” នេះបើតាមប្រសាសន៏របស់ឯកឧត្តម ខៀវ កាញ្ញារិទ្ធិ។

ឯកឧត្តមបានបន្ថែមទៀតថា “ការមើលទូរទស្សន៏វាគ្រាន់តែជាវិធីមួយក្នុងការក្នុងការទទួលព័ត៏មាន ក៏ប៉ុន្តែការអានសៀវវាធ្វើឲ្យយើងមើលផង គិតផង ហើយគិតទៅវិញទៅមក”។

ប្អូនស្រីម្នាក់មកពីវិទ្យាល័យ ភ្នំពេញថ្មី បានឲ្យដឹងថា “ខ្ញុំចូលចិត្តអានសៀវភៅតាំងពីតូចមក ហើយខ្ញុំគិតថាការអានសៀវភៅមានសារះសំខាន់ណាស់សម្រាប់សិស្ស និស្សិត។ ហើយខ្ញុំគិតថាកម្មវិធីនេះគឺពិតជាល្អណាស់សម្រាប់ខ្ញុំ ព្រោះវាមានសៀវភៅច្រើន​ហើយខ្ញុំមិននឺយដើរទិញសៀវភៅតាមផ្សារ” ។

បញ្ជាក់ផងដែរថា ពិពណ៏សៀវភោលើកនេះទទួលបានថវិការតាមរយះតង់សៀវភៅទាំងអស់នឹងការឧបត្ថមឯកឧត្តម ខៀវ កាញ្ញារិទ្ធិ​ និងលោកជំទាវចំនួន​១០០០ដុល្លារ ព្រមទាំងប្រភពជាច្រើនទៀត៕